| خلق نور یزداں کی تصویر ہے |
| اسی سے بنی اس کی تقدیر ہے |
| نبی کی غلامی حسیں تاج ہے |
| گلے میں سجی جس کی زنجیر ہے |
| ہے سرمایہ میرا وفا آل سے |
| عطائے نبی کی جو تاثیر ہے |
| ہے آلِ نبی کی غلامی پہ ناز |
| گلِ چیدہ جن میں یہ شبیر ہے |
| ملے دید ایسی کرے پار جو |
| یہ من ہجرِ آقا میں دل گیر ہے |
| عِلم میں نبی کے زماں اور جہاں |
| جو قرآن اور اس کی تفسیر ہے |
| گراں حسن ہستی کو جو ہے ملا |
| جمالِ نبی کی وہ تنویر ہے |
| گواہی نبی کی حجر سے ملے |
| جو حرمت نبی کی ہی تاثیر ہے |
| یہ یادِ نبی کا بہانہ ملا |
| کیا ورنہ میری یہ تحریر ہے |
| لحد میں نبی کا نظارہ ملے |
| جو دیرینہ سپنوں کی تعبیر ہے |
| ہے محمود آلِ نبی کا غلام |
| جو فضلِ خدا اس کی تقدیر ہے |
معلومات