| دل میں وہ شوق بھی نہیں آنکھوں میں خواب بھی نہیں |
| ہائے وہ پہلا سا جنوں وہ اضطراب بھی نہیں |
| ہاں خواہشوں کی جنگ میں ہے یہ جگر لہو لہو |
| حالت خراب ہے مگر حالت خراببھی نہیں |
| دیکھو کہ جس کی چھاؤں میں ہے ہجر کاٹنا مجھے |
| اس کالے آسمان پر وہ آفتاب بھی نہیں |
| کھلنے سے کھلتی ہی نہیں کوئی عجب پہیلی ہے |
| ہستی حباب بھی نہیں ہستی سراب بھی نہیں |
| تو مجھ کو میرے دوست بس اک بار آزما کے دیکھ |
| ہاں میں خراب ہوں مگر اتنا خراب بھی نہیں |
| یہ سب کمالِ عشق ہے ورنہ اے شہریار سن |
| وہ لب گلاب بھی نہیں آنکھیں شراب بھی نہیں |
معلومات