| زندہ درد کہانی رکھنا |
| اپنی آنکھ میں پانی رکھنا |
| رکھنا مشکل آسانی میں |
| مشکل میں آسانی رکھنا |
| مُجھ سے نفرت کرنے والے |
| میرا پیار نِشانی رکھنا |
| تُم جس رستے پر بھی چلنا |
| چال مگر لاثانی رکھنا |
| کس نے کہا تھا زیست میں میری |
| اتنی کم سامانی رکھنا |
| میری بھی یہ عادت ٹھہری |
| سب کچھ یاد زبانی رکھنا |
| جذبوں کی جو بات چلے تو |
| آنکھوں میں حیرانی رکھنا |
| مجھ کو یاد نہ کرنا پیارے |
| اپنی شام سہانی رکھنا |
| اپنے دل دریا میں، مانی |
| جذبوں کی طغیانی رکھنا |
معلومات