| جو قریبِ دشمنِ حیدرؑ ذرا سا ہو گیا |
| پھر تو کوسوں فاصلہ جنت سے اس کا گیا |
| کھل اُٹھا مومن کا چہرہ سن کے مدحِ مرتضیٰؑ |
| اور منافق کے لئے یہ ذکر شعلہ ہوگیا |
| وردِ اسمِ مرتضیؑ کا معجزہ تو دیکھئے |
| مینے جب بھی، جو بھی سوچا، جیسا چاہا، ہوگیا |
| ڈوبتا سورج جو پلٹا میں نے پوچھا کیا ہوا |
| وہ یہ بولا میرے مولاؑ کا اشارہ ہوگیا |
| ترہویں کو روحِ ابراہیمؑ اس پر شاد تھی |
| مقصدِ تعمیرِ کعبہ آج پورا ہوگیا |
| سر بلندی سرفرازی مل گئی اس کو ظہیر |
| جس کے سر پر پرچمِ غازی کا سایہ ہوگیا |
معلومات