پوچھے کوئی کہ تم کو نبی سے ہے کیا ملا ؟
کہہ دو کہ ان سے ہم کو خدا کا پتہ ملا
== تقی میاں بہت ہی عمدہ - یہ شعر بہت اعلیٰ ہے - بس اتنا ہے کہ مصرع اولی کی ضمیر تم ہے تو مصرع ثانی میں ہم نہیں آئیگا - یا تو پہلے میں کسی طرح آپ لائیے یا دوسرے کی ضمیر مجھ کو کر دیجیئے -

تشریف لائے یوں تو وہ سب سے اخیر میں
نبیوں میں پر انہیں کو بڑا مرتبہ ملا
== صحیح - انھی لکھیں انہیں نہیں -

مانگا تھا میں نے تھوڑا ہی در پر حضور کے
دامن مرا مگر مجھے پورا بھرا ملا
== پہلا مصرع بہتر کیجیئے - یہ درَ نبی پر تھوڑا مانگنا چہ معنی دارد ؟

سینے میں اک چراغ جلا ان کے ذکر سے
ظلمت میں روشنی کا مجھے سلسلہ ملا
= اچھا ہے

رہتا تھا غم میں ڈوبا ہوا روز و شب مگر
نام نبی سے دل کو مرے حوصلہ ملا
= ٹھیک
یونسؔ یہ نعت گوئی ہے جس کے طفیل سے
جنت میں داخلے کا مجھے راستہ ملا
مصرعوں میں ربط نہیں ہے - آپ کو کہنا ہے کہ انھی سے جنت میں داخلے کا راستہ ملا جن کے طفیل یہ نعت گوئی ہے
- یہ بات ادا نہیں ہو رہی ہے -