| اٹھاتے ہیں قلم اپنا تو بس دلدار لکھتے ہیں |
| ستم احباب کرتے ہیں تو ہم گلزار لکھتے ہیں |
| نظر سے بچ کے چلنا تم کہ نظریں وار ہیں کرتی |
| وجہ ہے بس یہی آنکھوں کو جو فنکار لکھتے ہیں |
| زمانے کی روایت ہے نمک زخموں پہ رکھ دینا |
| ہم اپنے غم جو ہیں سارے پسِ دیوار لکھتے ہیں |
| بلائیں آن پڑتی ہیں، برستے ہیں یہاں فتنے |
| خود اپنے شہر کو ہم وادیِ کُہسار لکھتے ہیں |
| ہماری سادگی دیکھیں، زمانہ وار کرتا ہے |
| زمانے کے ستم کو ہم کرم ہر بار لکھتے ہیں |
| ہمارے ساتھ کا اک پل ذرا تم کاٹ کر دیکھو |
| کہ ہم لوگوں سے خود کو کیوں بہت بیزار لکھتے ہیں |
| وہ اکثر پوچھتے ہیں زخم یہ کیسے ملے حسانؔ |
| اٹھا کر ہم قلم اپنا فقط دلدار لکھتے ہیں |
معلومات