| فاعِلاتن فاعِلاتن فاعِلاتن فاعِلن |
| سرکشی من میں سمائی حوصلہ جاتا رہا |
| عشق کو سمجھا نہ جب تک بے نوا جاتا رہا |
| عاشقوں کی نرم فطرت کچھ سوا اس کے نہیں |
| اس لئے میں عشق کا پانے صلہ جاتا رہا |
| بس خمارِ شوق ساقی تیرے میخانے کا تھا |
| میں خمیرِ عشق بے شک و شبہ جاتا رہا |
| فصل گُل میں عشق کی تاثیر ہی کچھ اور تھی |
| جب خزاں آئی چمن سے وہ مزہ جاتا رہا |
| ہم ہی ملزم قتل کردہ منصفوں کا فیصلہ |
| خون کر کے وقت کا ہر پارسا جاتا رہا |
| مشہدِ عاشق سے آتی ہے سدا بوئے حنا |
| جس نےصدقے خوں کیا عرصہ ہؤا جاتا رہا |
| ورنہ پہلے تھا مرا یہ ذوق ارشدؔ بے مزہ |
| عشق جو آیا سمجھ میں تو گلہ جاتا رہا |
| مرزاخان ارشدؔ شمس آبادی |
معلومات