| کیوں نظر آتے نہیں حالاتِ شب |
| جب کہ سب موجود ہیں ، حاجاتِ شب |
| دن کو کُھل کر وہ ہوا تھا سامنے |
| جب گیا سورج ہوئے ، لمحاتِ شب |
| نور دکھلاتا رہے گا راستہ |
| روک پائیں گی کہاں ظلماتِ شب |
| چاند تارے ساتھ اس کے ہو لئے |
| آ گئی ہے اس طرح ، باراتِ شب |
| جانے کس جانب ہمیں لے جائیں یہ |
| جوش میں آتے ہیں جب جذباتِ شب |
| ڈھونڈنے نکلے تھے جو لذّات کو |
| ان کے پلّے پڑ گئیں آفاتِ شب |
| ہل گئے ہیں پائے اس کے جب کبھی |
| عرش تک پہنچے ہیں یہ سجداتِ شب |
| ڈھونڈتے ہیں اس کو طارق رات بھر |
| کیوں بھلا ضائع کریں ، اوقاتِ شب |
معلومات