انوار ترا، سرکار ترا دل روشن وہ سردار مرا |
دلدار مرا، وہ یار مرا دل روشن وہ گلزار مرا |
زردار مرا، زنگار مرا اس نگری کا اظہار مرا |
پرکار مرا، پرخار مرا چت روشن وہ حقدار مرا |
ازکار بھی وہ، افکار بھی وہ اس گلشن کی چہکار بھی وہ |
اقرار مرا، وہ پیار مرا من روشن وہ گلدار مرا |
وہ خواب ترا وہ خیال ترا ان آنکھوں میں احوال ترا |
تعبیر بھی وہ تفسیر بھی وہ سب روشن وہ تہدار مرا |
سنگار بھی وہ جھنکار بھی وہ مرا دیپک بھی ملہار بھی وہ |
شہوار مرا، فنکار مرا جگ روشن وہ بیدار مرا |
الفت بھی وہ چاہت بھی وہ میری ہستی کا غمخوار بھی وہ |
دربار مرا، ادبار مرا ظن روشن وہ پندار مرا |
سالار بھی وہ مختار بھی وہ اس ہستی کا اپکار بھی وہ |
سنسار بھی وہ، دیدار بھی وہ تن روشن وہ پندار مرا |
ضوبار بھی وہ کردار بھی وہ اس کشتی کا پتوار بھی وہ |
زنہار مرا، اسرار مرا مکھ روشن وہ ابرار مرا |
معلومات