رہے گا حال یہی زندگی نہیں چلے گی |
سبھی کے ساتھ چلو سادگی نہیں چلے گی |
یہاں سے جان چھڑا لو گے تم لٹک کے مگر |
جہاں ہے جانا وہاں خود کشی نہیں چلے گی |
جس ایک شخص کے پیچھے چلیں گے تیرے قدم |
اس ایک شخص کے آگے تری نہیں چلے گی |
تمہارا وقت ہے جو بھی کہو گے دوڑے گا |
کہ میرا وقت نہیں ہے مری نہیں چلے گی |
کئی مہینوں سے کہتے ہو جلد ملتے ہیں |
اسی دن آؤ گے کیا جب گھڑی نہیں چلے گی |
یہ زندگی ہے یہ بیلنس مانگتی ہے کلیم |
یہ فیس بک نہیں ہے یہ فری نہیں چلے گی |
معلومات