یقین پار اتر گیا |
مگر گمان ڈر گیا |
جو تجھ کو چھوڑ کر گیا |
وہ ہو کے در بدر گیا |
میں اتنا غم پسند تھا |
خوشی ملی تو مر گیا |
جو ہو سکے تو سوچئے |
کیوں نالہ بے اثر گیا |
بنے گا حشر بزم میں |
اگر گیا مگر گیا |
وہ جرم جو کیا نہیں |
وہی تو میرے سر گیا |
وہ تیر طنز کا مرے |
جگر کے پار اتر گیا |
ملا دوام اسے کہ جو |
رہِ وفا میں مر گیا |
وہ مجھ میں دیکھنا ترا |
ہزاروں رنگ بھر گیا |
نہ روئیے جو میں اگر |
تمام آپ پر گیا |
وہ سیلِ آب عشق کا |
ڈھلی جو عمر اتر گیا |
بتا کہ بزمِ یار میں |
تو کس گمان پر گیا |
حبیب جو تھا جان و دل |
خبر ہے کب کا مر گیا |
معلومات