| مجھ سے ناراض ہیں وہ اور بتاتے بھی نہیں |
| تشنگی بڑھنے لگی پیاس بجھاتے بھی نہیں |
| یوں تو ہر بات پہ کہتے ہیں بھئی راز ہے یہ |
| گر یہی سچ ہے تو پھر راز چھپاتے بھی نہیں |
| گر مری بات پہ شک ہے تو انہیں کال کریں |
| فون پکڑے ہوئے بیٹھے ہیں گھماتے بھی نہیں |
| گر کوئی بات ہے گھونگھٹ تو اٹھائیں اس سے |
| باتیں کرتے ہو مگر بات سناتے بھی نہیں |
| پہلے آ جاتے تھے وہ مجھ کو ستانے اکثر |
| اب وہ خاموش سے بیٹھے ہیں ستاتے بھی نہیں |
| چھوڑو ان لوگوں سے امید ہمیں کیا لینا |
| راستہ روکتے ہیں راہ دکھاتے بھی نہیں |
معلومات