| نعت |
| میری بخشش کا ہیں سامان مدینے والے |
| آپ پر جاؤں میں قربان مدینے والے |
| آپ نے پائی ہے کیا شان مدینے والے |
| دونوں عالم کے ہیں سلطان مدینے والے |
| روز دیدار جنہیں روضۂ اطہر کا نصیب |
| کتنے خوش بخت ہیں انسان مدینے والے |
| آپ کا دل میں بسا اسمِ گرامی جب سے |
| دل ہوا مثلِ گلستان مدینے والے |
| میری قسمت میں بھی لکھ دیں یہ مدینے کا سفر |
| میں بنوں آپ کا مہمان مدینے والے |
| میری پلکوں پہ بھی رکھ دیجے کرم کا سایہ |
| یوں کہ رہ جائے مرا مان مدینے والے |
| محمد اویس قرنی |
معلومات