| راہ خدا میں نکلو تو پہلے جو بھی ہو دیکھا جاۓ گا |
| دوسرے کا معلوم نہیں پر خود کو بدلا جاۓ گا |
| خاص کرم ہوتا ہے مدینے پاک میں ربِ اکبر کا |
| سارے گناہیں مٹ جائیں گے جو بھی مدینہ جاۓ گا |
| عشق ہے جس کو پیارے نبی سے جاۓ گا وہ جنت میں |
| اور نبی کا ہر اک دشمن آگ میں ڈالا جاۓ گا |
| مجرم سب خوش ہوجا ئیں گے پیش خدا محشر کے دن |
| زلفوں کو لہرا تے ہوۓ جب سامنے آقا جاۓ گا |
| پہلے شہِ ابرار کا عاشق دل سے تو بن کر دیکھ سہی |
| تو جس رخ بھی جاۓ گا تیرے پیچھے زمانہ جاۓ گا |
| پڑھتے رہو گے تم جو ہر اک لمحہ مرے آقا پہ درود |
| مجھ کو یقیں ہے تیرے دل سے سارا اندھیرا جاۓ گا |
| عشق نبی میں جھوم کے یونسؔ نعت نبی جب گاؤ گے |
| روح کو بھی تسکین ملے گی دل بھی مچلتا جاۓ گا |
معلومات