| بہت ہی تاریک غار کوئی |
| اکیلا ہی جس میں پھر رہا ہوں |
| قدم قدم پہ میں گر رہا ہوں |
| نجانے کس کی تلاش مجھ کو |
| پکارتا ہوں میں نام کوئی |
| صدا جو ٹکرا کے مڑ رہی ہے |
| میں سن کے حیران تو بہت ہوں |
| یہ نام میرا ہے میرا ہی ہے |
| میں زور سے اب پکارتا ہوں |
| میں پھر سے سنتا ہوں نام اپنا |
| عجیب قصہ ہے کس سے پوچھوں |
| مجھے خود اپنی تلاش کیوں ہے |
| میں جانے کب سے گما ہوا ہوں |
| مجھے خبر کس نے دی کہ گم ہوں |
| اگر اکیلا ہی ڈھونڈتا ہوں |
| تو فائدہ کیا جو مل بھی جاؤں |
| میں پھر سے آگے کو چل پڑا ہوں |
| میں نام پھر سے پکارتا ہوں |
معلومات