| مدینے کے والی جو دلدار ہیں |
| وہ سلطانِ ہستی وہ سرکار ہیں |
| حبیبِ الہ ہیں نبی نورِ حق |
| یہ کونین ہادی کے گھر بار ہیں |
| ثنا خواں خدا ہے نبی پاک کا |
| جلی سارے دلبر کے کردار ہیں |
| ہوئے ضوفشاں ذرے خورشید سے |
| ملے جن کو دلبر کے دیدار ہیں |
| درخشاں مدینہ میں شام و سحر |
| منور مدینہ کے گلزار ہیں |
| ملے سرمہ آنکھوں کو اس شہر سے |
| یہاں میرے آقا جو غمخوار ہیں |
| خدایا دکھا سبز گنبد ہمیں |
| غلامِ نبی ہیں جو دل زار ہیں |
| یہ محمود مولا مدینے رہے |
| جہاں اس کے دل جاں گرفتار ہیں |
معلومات