| سرکار سے سبق ہے دنیا میں رہبری کا |
| دیتے ہیں دان آقا اوصافِ دلبری کا |
| نورِ نبی سے مَن میں آئی کرن ہے کوئی |
| پھر دیکھ خواب تو بھی اُس شوق زندگی کا |
| اُن کے ہیں بعد سارے بعد از خدا نبی ہیں |
| کوئی گُماں کرے کب اُن کی برابری کا |
| حُبِِّ حبیب دِل میں گر جاگزیں نہیں ہے |
| بے سود پھر ہے دعویٰ اللہ سے دوستی کا |
| اعلیٰ سے اعلیٰ رتبے اُن کی صفات سے ہیں |
| کیسے کہوں مداوا کوئی ہے سَرکَشی کا |
| اُن سا حسیں کہیں بھی پیدا ہوا نہ ہو گا |
| حِصّہ ملا نبی سے تاروں کو روشنی کا |
| محمود تاج سر ہیں نَعلین مُصطفیٰ گر |
| اُونچا نہیں ہے اس سے درجہ سکندری کا |
معلومات