| مرحبا یا مصطفٰیﷺ کی دھوم مچتے دیکھ لو |
| دیکھ لو آقاﷺ کی آمد کے یہ چرچے دیکھ لو |
| ہر طرف یہ شور ہے صلی علٰی یا سیّدی |
| ہر مسلماں کی زباں کو ورد کرتے دیکھ لو |
| ہر طرح شیطان نے کوشش کی تھی کہ روک لے |
| یا رسول ﷲﷺ کا نعرہ یہ بڑھتے دیکھ لو |
| کون کہتا ہے کہ اُنﷺ کے آستاں پہ کچھ نہیں |
| اُنﷺ کے ٹکڑو پر جہاں سارا یہ پلتے دیکھ لو |
| آپﷺ کی برکت سےبیٹےرب نےسب کو دے دئے |
| آپﷺ کا میلاد رب کو بھی یوں کرتے دیکھ لو |
| نور کی برسات سے بھیگے ہوے ارض و سماں |
| یہ نظارہ نور کا تم چلتے پھرتے دیکھ لو |
| کہہ رہی ہے ہر گھڑی تجھ کو مبارک ہو میاؔں |
| ظلم کی شب ختم ہوئی دن ابھرتے دیکھ لو |
| میاؔں حمزہ |
معلومات