| دہر میں یارو جسے عشقِ پیمبر ہوگیا |
| گویا اس کا داخلہ جنت کے اندر ہوگیا |
| کتنے آۓ حضرتِ آدم سے عیسی تک رسول |
| مصطفی آخر میں آیا اور سرور ہوگیا |
| حاضری جس کی ہوئی سرکار کے دربار میں |
| ساری دنیا میں وہ قسمت کا سکندر ہوگیا |
| توڑ نے آۓ تھے کعبہ پر ہوا یہ معجزہ |
| چند ابابیلوں کے ذریعہ ختم لشکر ہوگیا |
| صحبتِ سرکار سے اصحاب کیا کیا ہوگئے |
| کوئی سیف اللہ کوئی صدیق اکبر ہوگیا |
| فخر میں کیوں نہ کروں قسمت پہ اپنی دوستو |
| نعت آقا کی مجھے لکھنا مقدر ہو گیا |
| آمنہ کے لال سے یونسؔ کرو تم دل لگی |
| کیونکہ ان سے جو لگایا دل منور ہو گیا |
معلومات