| زمین و آسماں پر مصطفی کا چرچا ہے |
| بلند شافعِ روزِ جزا کا چرچا ہے |
| کلامِ رب میں اسی والضحی کا چرچا ہے |
| زباں زباں پہ انہیں کی سخا کا چرچا ہے |
| درود بھیجتے ہیں ان پہ رب کے قدسی سب |
| لبِ ملائکہ پر مصطفی کا چرچا ہے |
| کتابِ رب کی سبھی آیتوں میں ذکرِ شہ |
| کلامِ رب میں انھیں کی ہُدیٰ کا چرچا ہے |
| حسینوں کے لبوں پر محفلوں میں بھی ہر آں |
| مِرے شہا کے ہی حسن و ادا کا چرچا ہے |
| نوازتے ہیں گدا کو وہ ایسی نعمت سے |
| لبِ گدا پہ انہیں کی عطا کا چرچا ہے |
| چھپیں گے حشر میں سب ،عاصی جس کی چھاؤں میں |
| سبھی کے لب پر انھیں کے لِوا کا چرچا ہے |
| لِوا کا سایہ مِرے شہ، عطا ہو عاجز کو |
| لبوں پہ اس کے فقط اس دعا کا چرچا ہے |
معلومات