| بہت مشکل ہے دشواری بہت ہے |
| تری دنیا میں مکاری بہت ہے |
| یہ مومن کا اگر ہے قید خانہ |
| تو کیوں دنیا ہمیں پیاری بہت ہے |
| بہت ہی کم ہیں جو ملتے ہیں دل سے |
| کہ لوگوں میں اداکاری بہت ہے |
| وہی روزہ نہیں رکھتے ہیں اکثر |
| وہ جن کے گھر میں افطاری بہت ہے |
| یہ مانا ہے خطا میری بھی تھوڑی |
| ترا لہجہ تو بازاری بہت ہے |
| جہاں پر مستقل رہنا نہیں ہے |
| وہیں رہنے کی تیاری بہت ہے |
| عبادت جس طرح کرتے ہو ازہر |
| عبادت کم ریاکاری بہت ہے |
معلومات