| ہرگل وبلبل پہ طاری کیوں ہےاب آہ وفغاں |
| میکدہ سارے کا سارا آج ہے ما تم کناں |
| جن کی رخصت قوم کا ہے بالیقیں اک سانحہ |
| ہو سہن کیسے ہمیں ان کی جدائی جان جاں |
| فیض سے جن کے منور تھا ہمارا کارواں |
| تھےمیرےحضرت قمراس دین حق کےپاسباں |
| ہرگل وبلبل پہ طاری کیوں ہےاب آہ وفغاں |
| ہر کس وناکس کے حق میں آپ تھےعمدہ مشیر |
| مستفیدوں کا جہاں رہتا تھا اک جم غفیر |
| خاص تھا یہ وصف ان کا منکروں پے ہو نکیر |
| چھوڑ کراب چل بسے ہیں مےکشوں کے سائباں |
| ہرگل وبلبل پہ طاری کیوں ہےاب آہ وفغاں |
| شیخ جن کے حضرت ابرار تھے وہ با صفا |
| شیخ ابراہیم سے بھی فیض جن کو ہے ملا |
| تھے وہ علامہ قمر ہم سب کے روحِ رواں |
| بلِّغوا عنِّی ولو آیۃ کے تھے وہ تر جماں |
| ہرگل وبلبل پہ طاری کیوں ہےاب آہ وفغاں |
| ساٹھ سالہ درس ان کا خوب تھا وہ پر اثر |
| تربیت سے ان کی کتنے بن گئے ذرے گوہر |
| سن کے ہے ویران گلشن صبح آئی جو خبر |
| ہو گئے علا مہ وہ حضرت قمر ہم سے جدا |
| ہرگل وبلبل پہ طاری کیوں ہےاب آہ وفغاں |
| رحمتیں ہوں خوب یا رب عرش کا سایہ ملے |
| خدمتیں مقبول ہوں اور مرتبہ اعلیٰ ملے |
| ہو لحد روشن ہمیشہ اور رضا تیری ملے |
| دے قمر کو جنت الفردوس میں عالی مکاں |
| ہرگل وبلبل پہ طاری کیوں ہےاب آہ وفغاں |
| اب کہاں پائیں گےہم ایساگُہرایساصدف |
| آر زو گلزار کی تھی ہو تلمذ کا شرف |
| ہاں رہے گا یاد ان کا دیکھنا میری طرف |
| آپ کے وہ نام پوچھے سے ہوا دل شادماں |
| ہرگل وبلبل پہ طاری کیوں ہےاب آہ وفغاں |
| مےکدہ سارے کا سارا کیوں ہے اب ماتم کنا |
| ✍️ محمد گلزار ولی : دربھنگوی |
معلومات