| گھر بار سب لٹایا رب کی رضا کی خاطر |
| اسلام کو بچایا رب کی رضا کی خاطر |
| ظلم و ستم مٹانے دینِ نبی بچانے |
| میرا حسین آیا رب کی رضا کی خاطر |
| بچپن میں ایک وعدہ نانا سے جو کیا تھا |
| کربل میں وہ نبھایا رب کی رضا کی خاطر |
| باطل سے ڈر کے جھکنا شیوہ نہیں ہمارا |
| شبیر نے بتایا رب کی رضا کی خاطر |
| کرب و بلا کی دھرتی اس وقت رو پڑی تھی |
| اصغر نے زخم کھایا رب کی رضا کی خاطر |
| جس راستے میں شامل خوشنودئ خدا ہے |
| وہ راستہ دِکھایا رب کی رضا کی خاطر |
| آئے نہ ضرب کوئی اسلام پر تصدق! |
| سجدے میں سر کٹایا رب کی رضا کی خاطر |
معلومات