| آنکھ سے آنکھ ملانے کی ضرورت کیا ہے |
| دردِ دل پھر سے جگانے کی ضرورت کیا ہے |
| میرے ہونے یا نہ ہونے سے کوئی فرق نہیں |
| میں خفا ہوں تو منانے کی ضرورت کیا ہے |
| فیصلہ ترکِ تعلق ہے بتاؤ تو سہی |
| راز یہ مجھ سے چھپانے کی ضرورت کیا ہے |
| آخری بار ملاقات ضروری تو نہیں |
| کھل کے کہہ دے کہ بہانے کی ضرورت کیا ہے |
| دن کو آوارہ پھروں رات کو مے خانے میں |
| مستقل مجھ کو ٹھکانے کی ضرورت کیا ہے |
| بن پیے ہی میں بہک جاتا ہوں اکثر شاہدؔ |
| گر یہ سچ ہے تو پلانے کی ضرورت کیا ہے |
| ق |
| زندہ رہنے کی سزا کاٹ چکا ہوں اب تو |
| مر کے اب مجھ کو جلانے کی ضرورت کیا ہے |
معلومات