| دیارِ نبی گر ٹھکانہ ملا ہے |
| بڑی برکتوں کا خزانہ ملا ہے |
| جو روضے پہ اُن کے بلایا گیا ہے |
| اسے رفعتوں کا بہانہ ملا ہے |
| ملا ذکرِ دلبر اگر دل زباں کو |
| یہ فیضِ نبی کا ترانہ ملا ہے |
| سدا آلِ جاں سے ملے راہ سیدھی |
| خدایا شکر یہ گھرانہ ملا ہے |
| ہے ملجا مکمل جو سارے دکھوں کا |
| زہے نامِ نامی یگانہ ملا ہے |
| اگر دلربا کی گدائی ہے حاصل |
| رہیں شاد عیشِ شہانہ ملا ہے |
| ہے واری نبی پر اگر جان تیری |
| گراں تجھ کو موقع سہانا ملا ہے |
| ہے محمود ذکرِ نبی گنجِ یکتا |
| ملا گر یہ حق سے خزانہ ملا ہے |
معلومات