| غزل |
| عدو ، مایوس صورت دیکھ کر کَس دے نہ آوازہ |
| کسی نے کھٹکھٹایا ہے ترا در ، کھول دروازہ |
| گناہوں سے مرے بڑھ کر ، تری بخشش ، دریں چہ شک |
| تری رحمت کا کر سکتا ہے کیسے کوئی اندازہ |
| الٰہی بخش دے میری خطائیں ، جانتا ہے تُو |
| مجھے طاقت کہاں میں بھر سکوں گا ان کا خمیازہ |
| انہیں توفیق دے آپس میں مل بیٹھیں تری خاطر |
| کہ امّت کا تری ، بکھرا ہوا ہے دیکھ شیرازہ |
| حسیں صورت بنا کر دھوکہ دیتے ہیں گلی والے |
| کہاں پہچان پائیں گے ، مَلا چہرے پہ ہے غازہ |
| یہ تیرے نام لیوا ختم ہونے کو ہیں دنیا میں |
| تبہ ہوں گے نہ آئی تجھ سے گر کوئی کُمک تازہ |
| رہی بندی خدا کی ، آسیہ ، فرعون کے گھر میں |
| بنو مریم صفت طارق ، کہ عورت وہ تھی ممتازہ |
معلومات