| مرا بچپن سے ہی تھا اک پسندیدہ کلر کالا |
| کہاں ہوگا کوئی اس رنگ کو یوں چاہنے والا |
| صلہ اس رنگ سے چاہت کا یوں لائف میں ہے پایا |
| خدا نے خوب بھر کے ہم پہ کالا رنگ ہے ڈالا |
| ملی وائف بھی کالی اور کالے اسکے گھر والے |
| ہیں کالے ڈارک کالے ساس سسر سالی اور سالا |
| مرے سَن اور ڈاٹر نے بھی کالا حسن ہے پایا |
| یقینًا کالا ہی ہونا ہے پیدا آفٹر والا |
| اگر بجلی چلی جائے کوئی تب تک نہیں دکھتا |
| کہ جب تک کھولے نہ ان میں سے کوئی ماؤتھ کا تالا |
| مری بیگم کا پکا رنگ تاریکی میں ہو یوں مِکس (mix) |
| کہ گم اِکلپس (eclipse) میں ہو جائے جیسے چاند کا ہالا |
| کبھی میں سوچتا ہوں کیا کشودا اس کو اپناتے |
| اگر ان کو ملی ہوتی کوئی کالی مدھو بالا |
| یہ کالے رنگ کا جادو ہے سر چڑھ کے ہی بولے گا |
| کبھی اس کو کوئی منتر نہیں ہے توڑنے والا |
| اسی رنگِ سیاہ سے دوسرے رنگوں میں ندرت ہے |
| اندھیرے سے ہی ہوتا روشنی کا بول ہے بالا |
| سحاب اس وقت ہی ابرِ کرم بن کر برستا ہے |
| کلر وائٹ سے جب اس کا بدل کر ہو سیہ کالا |
معلومات