| جب سے گئے ہو آنکھ مری اشکبار ہے |
| یعنی تمہارے ہجر میں دل بے قرار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| موسم تمہارے رنج کا اچھا لگا مجھے |
| شعر و سخن کے واسطے یہ سازگار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| کیسے دکھاؤں چیر کے اپنا جگر تمہیں |
| کیسے بتاؤں تم سے مجھے کتنا پیار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| صّیاد اپنی قید سے دے گا رہائی کب |
| پنچھی تو اڑنے کے لئے بس بے قرار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُس بے وفا کی آنکھ میں دیکھا تو یہ لگا |
| اپنے کئے پہ آج کوئی شرم سار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| گر دل دھڑک رہا ہے تو پھر معجزہ سمجھ |
| تیرِ نظر جگر کے مگر آر پار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ کون مر گیا ہے مرے شہر میں بھلا |
| ماحول سارا ہی تو یہاں اشک بار ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ شخص اجنبی تو نہیں ہے کسی طرح |
| محفل میں مانی دیکھتا جو بار بار ہے |
معلومات