| گلی گلی حسین ہیں نگر نگر حسین ہیں |
| جدھر جدھر میں دیکھتا ادھر ادھر حسین ہیں |
| حسین بحروبر میں بھی حسین خشک وتر میں بھی |
| قدم قدم حسین ہیں ڈگر ڈگر حسین ہیں |
| فضاؤں میں خلاؤں میں حسین ہیں ہواؤں میں |
| زمانہ آج دنگ ہے کدھر کدھر حسین ہیں |
| حسین جسم و جان میں حسین کل جہان میں |
| حسینیوں کی ہے صدا جگر جگر حسین ہیں |
| درود میں سلام میں حسین ہیں نظام میں |
| دعاؤں میں بھی دیکھئے اثر اثر حسین ہیں |
| حسین لے کے جس گھڑی چلے ہیں تیغِ حیدری |
| یزیدی فوج کہہ اٹھی نڈر نڈر حسین ہیں |
| رقم ہے میں نے کر دیا یوں داستانِ کربلا |
| یزید زیر زیر ہے زبر زبر حسین ہیں |
معلومات