| پہلی ہے مِرے پاس اپیل اور نہیں ہے |
| کاغذ کے سوا کوئی دلیل اور نہیں ہے |
| انصاف کی خاطر تو چنا آپ کو ہم نے |
| کیا آپ کے مانند وکیل اور نہیں ہے |
| کیا کھیل وکالت میں چلے سب کو ہے معلوم |
| مجبور موکل ہے سبیل اور نہیں ہے |
| جو فرض سے اپنے ہی وفا دار نہیں ہو |
| پھر اس کی طرح کوئی ذلیل اور نہیں ہے |
| پیسے کے لئے پیشے کو نیلام نہ کرنا |
| کیا ایک ہے کنجوس بخیل اور نہیں ہے |
| قاتل ہمیں تو ٹھہرے ہیں منصف کی نظر میں |
| مقتول ہمیں جب کہ قتیل اور نہیں ہیں |
| تالاب کے پانی کی طرح سب کی سڑی سوچ |
| تالاب یہی، جھیل ہے جھیل اور نہیں ہے |
معلومات