| مُسکرانے کے لئے ہر غم چھپانا پڑ گیا |
| بوجھ چھوٹی عُمر میں سب کا اُٹھانا پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آب و دانہ آدمی کو کھینچ لیتا ہے میاں |
| دیس اپنا چھوڑ کر پردیس جانا پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اِس طرح کا ورنہ میں کردار کر سکتا نہ تھا |
| غم چھپانے کے لئے سب کو ہنسانا پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ نہیں قسمت میں تو پھر کیا کروں ان کا بھلا |
| اپنے ہاتھوں کی لکیروں کو مٹانا پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دُوریاں اپنی جگہ خود ہی بنانے آ گئیں |
| دو دلوں کے بیچ میں جب یہ زمانہ پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یاد آنے لگ گئی برسوں پرانی داستاں |
| راستے میں آج اُس کا گھر پرانا پڑ گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اشک مانی اس لئے بہتے ہیں آنکھوں سے مری |
| خواب میں اِک جھیل میں پتھر گِرانا پڑ گیا |
معلومات