| روشنی کا وہ اشارا ہے رسولِ رحمت ﷺ |
| جس کو دشمن نے پکارا ہے رسولِ رحمت ﷺ |
| عدل و انصاف کی صورت وہ ملا دنیا کو |
| بے قصوروں کا سہارا ہے رسولِ رحمت ﷺ |
| آگ برساتی ہوئی دھوپ میں ٹھنڈک کا سماں |
| ابر وہ رب نے اتارا ہے رسولِ رحمت ﷺ |
| صلح کی لے کے بشارت جو چلا آیا ہے |
| امن کا ایک وہ دھارا ہے رسولِ رحمت ﷺ |
| جام ، عرفان کے ہاتھوں میں لئے ساقی وہ |
| حوضِ کوثر پہ ہمارا ہے رسولِ رحمت ﷺ |
| دل جو دشمن کا کیا فتح ، معافی دے کر |
| خود زباں سے وہ پکارا ہے رسولِ رحمت ﷺ |
| بت دیئے توڑ ، کیا نعرۂ تکبیر بلند |
| حق کا واللّٰہ نظارا ہے رسولِ رحمت ﷺ |
| اس پہ طارقؔ کا ہمیشہ ہو درود اور سلام |
| وہ جو ہم سب ہی کا پیارا ہے رسولِ رحمت ﷺ |
معلومات