| بلند اقبال کا رتبہ ، بصیرت اس کی شاہانہ |
| کمال انداز آفاقی ، طبیعت تھی فقیرانہ |
| سراپا عجز تھا ، اس کی جبیں پہ خاکساری تھی |
| محبت معرفت اور عشق و مستی میں جداگانہ |
| رگِ جاں میں اتر تے سب وہ نغمے اس کے آفاقی |
| سخن پر سوز وہ اسکا ، وہ اندازِ نصیحانہ |
| بتایا نکتہءِ توحید کا جب فلسفہ اس نے |
| گرایا قلب و جاں میں جو بسا رکھا تھا بت خانہ |
| بلند افکار تھے اس کے چھکتی برق کی مانند |
| کہ راہی ظلمتِ شب میں نہ راہوں سے ہوں بیگانہ |
| خودی کا درس دیتی موتیوں سي شاعری اس کی |
| سراغِ زندگی دیتے وہ اشعارِ حکیمانہ |
| مرے اقبال تیری حکمت و عظمت کی خدمت میں |
| فقط اپنی غزل کا پیش کر سکتا ہوں نذرانہ |
| سحاب ، اقبال کا نعم البدل ملنا نہیں ممکن |
| کہاں ڈھونڈے پھرے ہو تم جہاں میں بن کے دیوانہ |
معلومات