| اے مختارِ مطلق اے خالق ہمارے |
| ہیں مخلوق تیری جو پیدا ہیں سارے |
| جو تیری ہیں قدرت کے دلکش مناظر |
| یہ شمس و قمر یہ ثوابت یہ تارے |
| مزین ہیں جن سے یہ افلاک ہستی |
| کہاں ہے وہ پیدا گِنے یہ شرارے |
| ہیں اجرام ان میں جو پوشیدہ ظاہر |
| تُو خالق ہے ان کا یہ تیرے سہارے |
| یہ قائم ہیں حد تک جو دائم ہیں لگتے |
| سدا کام تیرے خدایا نیارے |
| بنائے یہ تیرے مصور تو یکتا |
| زمیں اور زماں کے یہ منظر نظارے |
| کریں حمد تیری یہ ہر آن مولا |
| حسیں بزم ہستی مکیں اس کے پیارے |
| گلستاں دہر میں وہ فردوسِ اعلیٰ |
| کریں حمد تیری یہ بردے تمہارے |
| یہ فطری سلیقے جو بندھن ہیں ان میں |
| یہ قدرت سے سنتے ہیں اس کے اشارے |
| بنے بگھڑے کچھ بھی ہنر تیرے مولا |
| صمد ذات تیری جسے تو سنوارے |
| یہ سوچیں دہر میں تخیل کے گھوڑے |
| یہ کس کے لئے ہیں یہ کس کے ہیں بارے |
| یہ آمد مسلسل تفکر تدبر |
| کنائے یہ کس کے ہیں کس کے اشارے |
| ہیں سلطان تیرے گدا بھی ہیں تیرے |
| رہے راہ پر جو لگیں گے کنارے |
| کرے تو جو چاہے تو قادر ہے یکتا |
| ہیں سب کام عمدہ جسے تو سدھارے |
| ہیں مشکل جہاں سب کٹھن راہیں ان میں |
| مگر تو نے ہادی نبی ہیں اتارے |
| یہ لاغر ہے ناؤ بھنور اتنے گہرے |
| نہیں میرے بس میں لگا تو کنارے |
| گراں احساں تیرا ہے مومن پہ مولا |
| بنے مصطفیٰ ہیں جو آقا ہمارے |
| جو گردوں ہے گرداں خدا کی یہ مرضی |
| وہ سلطاں خلق کا اے محمود پیارے |
معلومات