| بات کرتے ہیں صلح مندی کی |
| ہم نے کب کوئی شر پسندی کی |
| ہم تو پہلے ہی تھے خلاف اِس کے |
| آپ نے خود ہی فرقہ بندی کی |
| آخرش کیوں نہیں چلی جاتی |
| دل سے بیماری خود پسندی کی |
| ہم پہ نزلہ گرا ہے کیوں آخر |
| جانے کب بات کوئی گندی کی |
| ہم تو مجنوں ہیں عشق میں ٹھہرے |
| بات ہو کیسے ہوش مندی کی |
| ہر کوئی اپنی سوچ رکھتا ہے |
| ہو وہ پستی کی یا بلندی کی |
| آگ خود ہی لگا کے خِرمن کو |
| ہم سے کہتے ہو شر پسندی کی |
| جھو ٹ بولے حریف اس کا کام |
| ہم نے تو سچ سے پیش بندی کی |
| آپ کو درد ساری دنیا کا |
| داد دیتے ہیں فکر مندی کی |
| جرم طارق ہے اس قدر اپنا |
| ہم نے پرواز کی بلندی کی |
معلومات