| ان کے دل کو نہیں بھاتی ہیں غدیری باتیں |
| اور ہم کو فقط آتی ہیں غدیری باتیں |
| اِک مصور نظر آتی ہیں غدیری باتیں |
| خم کی تصویر بناتی ہیں غدیری باتیں |
| ہے سقیفہ سے ترے منہ کا مزا بگڑا ہوا |
| یہ جو تجھ کو نہیں بھاتی ہیں غدیری باتیں |
| کس لئے کس کے لئے عرش سے پتھر آیا |
| ہم کو یہ راز بتاتی ہیں غدیری باتیں |
| بغض کی آگ میں جو لوگ جلا کرتے ہیں |
| ان کو کچھ اور جلاتی ہیں غدیری باتیں |
| چہرا کس کس کا کھلا اور دھواں کس کا ہوا |
| سب کی پہچان کراتی ہیں غدیری باتیں |
| کان میں بچے کے پہنچے نہ کسی غیر کی بات |
| سب سے پہلے کہی جاتی ہیں غدیری باتیں |
| ہیں کچھ اس درجہ مری قوم کی مائیں محتاط |
| لوریوں میں بھی سناتی ہیں غدیری باتیں |
| مائیں مجلس کے تبرک پہ ہمیں پالتی ہیں |
| اور گھٹی میں پلاتی ہیں غدیری باتیں |
| مجھ کو کہنا نہیں پڑتا ہے غدیری ہوں میں |
| میری پہچان کراتی ہیں غدیری باتیں |
| آکے محفل میں کبھی ذکرِِ فضائل بھی سنو |
| اچھا انسان بناتی ہیں غدیری باتیں |
| کیوں نئے رُخ نہ ملیں مدحِ علی ؑ میں اے ظہیرؔ |
| میرے افکار سجاتی ہیں غدیری باتیں |
معلومات