| آمدِ سرکار سے ہیں جھومتے دونوں جہاں |
| وجد میں گردوں ہوا ہیں کیف میں یہ آسماں |
| مدحتیں مختار کی ہیں ساتھ ہے حمد و ثنا |
| استھاں ہیں مسرور تر ہیں رونقیں ان میں جواں |
| صد مبارک آمنہ ہے گود میں آیا یہ لال |
| جس نے خندہ کر دئے ہیں حشر تک سارے زماں |
| یہ مدینہ نور میں ہے آنے سے سرکار سے |
| کر رہے ہیں رشک جس پر خلق کے کون و مکاں |
| خیر سے ہے پُر فضا تشریف لائے مصطفیٰ |
| نبضِ ہستی آج تک خاطر نبی کی ہے رواں |
| کبریا کے کرم سے ہیں دلربا دافع بلا |
| آپ کے ہی فیض سے ہے زندگانی کا نشاں |
| اس ورودِ پاک سے کافور ہیں سب ظلمتیں |
| نور کی سرکار سے ہے نور والی داستاں |
| زد میں اُن کی تام ہیں آفاق کی ساری حدیں |
| چاہے گر میرا خدا، ہے روکتا چلتا زماں |
| پرتو حسنِ مصطفیٰ سے، این و آں کونین کی |
| نورِ حق سے ہے فروزاں، دہر کا کل آشیاں |
| رحمتِ دونوں جہاں محمود ذاتِ مصطفیٰ |
| جن کے صدقے کبریا سنتا ہے عاجز کی فغاں |
معلومات