| سُنی تھی بچپن میں اک کہانی، کہ آئے گی ایک دن جوانی |
| کھِلیں گی کلیاں، چمن سجے گا، حَسین ہو گی وہ رُت سہانی |
| جلیں گے اُلفت کے دیپ دل میں، رہے گا کوئی قریب دل میں |
| شَہَد سے شیریں کلام ہو گا، ملے گی راجہ کو ایسی رانی |
| سُہانے سپنے سجائے ہم نے، خوشی کے نغمے بھی گائے ہم نے |
| یہ دل مچلتا رہا ہمیشہ، جو رِیت اس کی رہی پرانی |
| مِلا مُقدر کا مُجھ کو تحفہ، گِلہ نہیں تُجھ سے کوئی مولا |
| گُلاب رکھتا ہے ساتھ کانٹے، یہی حقیقت کی ترجُمانی |
| قدم قدم پر ہیں بھید کُھلتے، با پیچ و خم کس قدر ہیں رستے |
| یہی سکھائے جوانی زیرکؔ، ہے آزمائش یہ زندگانی |
معلومات