| کل پھر اک اور بشر شیرنی نے مار دیا |
| شہرِ آدم میں بپا حشر کا کہرام ہوا! |
| نقش ہر آنکھ میں تھی خوفِ اجل کی تصویر |
| دامِ اوہام سے باہر نہ نکلتی تقریر |
| مسجد و دیر کا رخ کرنے لگے پیر و جواں |
| خستہ مندر کا بھی اندر ہوا مشعل سے عیاں |
| فکرِ فردا میں تو مشغول ہوئے دنیا پرست |
| یاد آنے لگا دیں داروں کو میثاقِ الست |
| یا الٰہی! یہ عذابِ غم و حسرت کیوں کر؟ |
| ہم نے کیا جرم کیا؟ ایسی سزا کیوں ہم پر؟ |
| دشت میں تب تھا بپا ایک نرالہ منظر! |
| ہرنیاں خوش تھیں کہ اس بار پھر انسان مرا |
| چلو اک دن کو سہی، قہرِ خدا ہم سے ٹلا |
معلومات