| جو امتی نبی کا فردوس جا رہا ہے |
| اُن کی شفاعتوں کا قصہ سنا رہا ہے |
| جاتے ہیں اُن کے در تک خلدِ بریں کے رستے |
| ہر رستہ نغمے اُن کی چاہت کے گا رہا ہے |
| محسن ہے ذات جن کی جانِ سخا نبی ہیں |
| ہستی میں دان ان کا ہر کوئی کھا رہا ہے |
| نامِ نبی کے درجے علمِ الہ میں ہیں |
| گھونگھٹ جو میم کا ہے قادر اٹھا رہا ہے |
| قوسین میں اٹھا ہے کس نور سے یہ پردہ |
| قصرِ دنیٰ یہ قصے کھل کر سنا رہا ہے |
| اقصی میں انبیا نے جن کا جمال دیکھا |
| اِن کو امام مولا اُن کا دکھا رہا ہے |
| محمود شانِ ہادی ہیں قدرتیں خدا کی |
| جن کی عطا کے نغمے یہ دہر گا رہا ہے |
معلومات