| جنگ سرحد پہ ہو یا ملک کے اندر ہو |
| جنگ تو جنگ ہے انساں کا لہو بہتا ہے |
| رزم آرا تو ہے محفوظ پناہ گاہوں میں |
| زیرِ طیارہ تو معصوم پسا جاتا ہے |
| ہم بھی اپنے ہی سہی تم بھی کوئی غیر نہیں |
| کوئی مامونِ حرم کوئی سگِ دیر نہیں |
| پھر یہ انسانوں میں کیوں جذبِ رہِ خیر نہیں |
| وہ بھی مردودِ صنم خانۂ تہذیب و وفا |
| دھرم کی آڑ میں جو فتنہ گری کرتے ہیں |
| یہ بھی محرومِ نشاں راہِ شتربانِ حرم |
| اپنی عظمت کو ہی پامال کیے جاتے ہیں |
| کچھ تو احساسِ زیاں پاسِ وضع خاص رکھو |
| مردِ میداں ہو تو پھر جاؤ صفیں سیدھی کرو |
| جنگ لازم ہے تو پھر جنگ اصولوں سے لڑو |
معلومات