| غزل |
| جاں غزل میں ہو تو سننے کا مزہ ہوتا ہے |
| ورنہ اک شعر کا سننا بھی برا ہوتا ہے |
| پاؤ شیرینی نہ خوشبو نہ ملے ذائقہ ہی |
| کچا پھل توڑ لیا جائے تو کیا ہوتا ہے |
| ہم جو سنتے تھے کہ جاتے ہیں سبھی ہوش و حواس |
| عشق ہو جائے تو کیا ایسی سزا ہوتا ہے |
| ہم کوئی بات تکبّر سے جو کہہ دیتے ہیں |
| سامنے آتا ہے جو کچھ بھی کہا ہوتا ہے |
| اک حسیں کا میں فقط ذکر کیا کرتا ہوں |
| کیا قصور اس میں بتا میرا بھلا ہوتا ہے |
| اس کے قدموں میں چلے آتے ہیں گھائل ہو کر |
| شاذ ہی تیرِ نظر اس کا خطا ہوتا ہے |
| آنکھ کے اندھوں کی رکتی ہے ترقی ورنہ |
| آنکھ کا پردہ تقاضائے حیا ہوتا ہے |
| نشّۂ عشق کی سرشاری نہ طارق پوچھو |
| مئے عرفاں کا اگر جام پیا ہوتا ہے |
معلومات