| کسے بتائیں ستم کا شکار ہم بھی ہیں |
| وطن سے دور ، غریب الدّیار ہم بھی ہیں |
| جنونِ عشق میں صحرا نوردیاں کرتے |
| لباس جن کے ہوئے تار تار ، ہم بھی ہیں |
| کسی کے حسن کا جادو ہمارے دل پہ چلا |
| وہیں پہ ہو گئے جو جاں نثار ، ہم بھی ہیں |
| جو وعدے اس سے کئے ہیں وفا کریں گے ہم |
| جو کر کے بیٹھے ہیں قول و قرار ہم بھی ہیں |
| شجر کے پتّوں کی مانند ہم جُڑے اس سے |
| کریں جو گل کی حفاظت وہ خار ہم بھی ہیں |
| بچانے آ گیا کوئی ہمیں جو طوفاں سے |
| ملی ہے نوح کی کشتی، سوار ہم بھی ہیں |
| تمہارے غیظ و غضب کی بھی داستاں ہے وہی |
| یہ دیکھ کر ، ہوئے اِک سے ہزار ہم بھی ہیں |
| ہمیں اکیلا سمجھ کر نہ وار کرنا تم |
| کبھی نہ بھولنا، دلبر کے یار ہم بھی ہیں |
معلومات