یہ جشنِ شادمانی میلادِ مصطفیٰ ہے |
تشریف لانے والا دلدارِ کبریا ہے |
قاسم یہ رحمتوں کے لائے جہاں میں رحمت |
دل شاد ہر زماں میں ان کا گدا رہا ہے |
آئے جہاں میں پیارے یہ لال آمنہ کے |
کونین پر یہ احساں مولا نے کر دیا ہے |
خوشیاں منا رہے ہیں دونوں جہان والے |
ہونٹوں پہ ورد یارو صلے علیٰ سجا ہے |
دھومیں مچی جہاں میں حسنِ حبیب کی ہیں |
پردہ جمالِ جاں سے لاگے سرک گیا ہے |
مولا نے خوب کھینچی تصویرِ ہے خلق کی |
شہکار ان میں لیکن محبوبِ دو سریٰ ہے |
جیسے خدا سے چاہا ایسے حسیں بنے وہ |
میرا نہیں یہ کہنا حسان سے سنا ہے |
اعلیٰ سے خوب تر ہیں مولا کے خاص بندے |
لیکن نبی کو درجہ دلدار کا ملا ہے |
محمود فیصلے یہ بحرِ کمال کے ہیں |
خاطر حبیبِ رب کی لوح و قلم بنا ہے |
معلومات