| مدینے کے منظر سدا مانگتا ہُوں |
| درِ دلربا پر قضا مانگتا ہُوں |
| مجھے گر بقع میں ملے گا ٹھکانہ |
| مدینے میں تھوڑی جگہ مانگتا ہُوں |
| ہے تریاقِ کامل یہ نِسبت نبی کی |
| چھپی ہے جو اس میں بقا مانگتا ہوں |
| کفِ نعل جاناں ہو ماتھے پہ سَج دَھج |
| میں سینے میں اس سے ضیا مانگتا ہُوں |
| ہیں فیاض داتا وہ دے دیں جو چاہیں |
| ثنا گر ہو سینہ شہا مانگتا ہُوں |
| کئے ظلم میں نے خطا ہے وتیرہ |
| رہائی میں اس سے سدا مانگتا ہُوں |
| میں عاصی گنہگار و نادار بھی ہوں |
| سخی میرے داتا عطا مانگتا ہُوں |
| ہوں لاچار آقا کھڑا دھوپ مِیں مَیں |
| گھنے سایہ والی رِدا مانگتا ہُوں |
| دے فعل و عمل کی عبا میرے مولا |
| ضیا و جلا اور حیا مانگتا ہوں |
| رہے غنچہ دل میں مہک تا ابد یہ |
| حسیں حسنِ جاں کی لِقا مانگتا ہوں |
| اے محمود بطحا مداوا ہے میرا |
| مدینے میں صبحُ و مسا مانگتا ہوں |
معلومات