| حکمرانوں کے محل جو باعثِ عظمت بنے |
| بن کے کھنڈر اب وہی ہیں باعثِ عبرت بنے |
| جب یقیں ہے آخرت کی نعمتیں ہیں لا زوال |
| طمعِ دنیا کس لئے پھر باعثِ حسرت بنے |
| مال و دولت کی کبھی کثرت بھی ہو اک امتحاں |
| پُر تعیّش زندگی ہی ، باعثِ غربت بنے |
| ہر کوئی چاہے کہ اس کے نام کا ڈنکا بجے |
| کون چاہے ظلم اس کا ، باعثِ شہرت بنے |
| علم ، صیقل ہو اگر اس پر عمل ہوتا رہے |
| اور حصولِ معرفت پھر ، باعثِ حجّت بنے |
| شوق ہو سیر و سیاحت کا جسے توفیق ہو |
| دیکھے تو کتنے عجوبے ، باعثِ حیرت بنے |
| ہم نے جب کر لی ہیں پوری ساری ذمّہ داریاں |
| اب تو دنیا کی سیاحت ، باعثِ راحت بنے |
| ہم کو دیں طارقؔ خدا نے ہیں بہت سی نعمتیں |
| پر خدا ہی کی محبّت باعثِ لذّت بنے |
معلومات