| تمام نبیوں میں نرالی شان و عظمت آپؐ کی |
| شہ والا ؐ، حبیب کبریا ؐرسالت آپؐ کی |
| بنا کے عالمین میں ہیں منتخب شہ ہدیؐ |
| "جہاں جہاں ہیں انس و جاں وہاں نبوت آپؐ کی" |
| کہ جبرئیلؑ بھی نہ منتہی کو پار کر سکے |
| بیان عجز ہے والا تبار نسبت آپؐ کی |
| امین کے لقب سے شہرہ شاہ دو سراؐ کا تھا |
| رقیب و دوست پر عیاں ہوئی دیانت آپؐ کی |
| بفضل ربﷻ عدو کی چالیں کارگر نہ ہو سکی |
| بعافیت ہو پائی امر ربﷻ سے ہجرت آپؐ کی |
| سلوک نیک پیش تھا رئیس و ناتواں کے ساتھ |
| سدا برستی خاص و عام پر تھی رحمت آپؐ کی |
| عمل پہ ناصؔر اپنا پختہ عزم ہو وثوق سے |
| بلا شبہ ہے باعث نجات سیرت آپؐ کی |
معلومات