| تیری حرمت پہ واروں سخن، اے وطن! |
| تو مری آرزو کا بدن، اے وطن! |
| تیری گلیوں کو "دِل" سے مزین کروں |
| اِن کے شایاں نہیں نسترن، اے وطن! |
| آج کہسار و گلزار و دریا ترے |
| ہیں بہاروں پہ سایہ فگن ،اے وطن! |
| تیرے دامن کو پکڑے یہ بس میں نہیں |
| آگ جتنے بھی کر لے جتن، اے وطن! |
| تھک گئے تو تری سیر کو چل دیئے |
| اور جاتی رہی سب تھکن، اے وطن! |
| ایک دن سارے عالم پہ چھا جائے گا |
| تیرے پرچم کو حاصل ہے فن، اے وطن! |
| یہ بھی تیرے تصور کا اعجاز ہے |
| مسکرانے لگا ہے سخن، اے وطن! |
معلومات