| بتِ انا کو گراتا نہ میں تو کیا کرتا |
| ترے بلانے پہ آتا نہ میں تو کیا کرتا |
| مجھے لٹانا تھا آخر کسی جگہ زرِ اشک |
| تمہاری راہ سجاتا نہ میں تو کیا کرتا |
| خراجِ آگہی دینا ضروری ہو گیا جب |
| متاعِ ہوش گنواتا نہ میں تو کیا کرتا |
| کسی کے لہجے کی یخ بستگی قیامت تھی |
| گر اپنے جی کو جلاتا نہ میں تو کیا کرتا |
| قریب تھا کہ مری آنکھ دشت ہو جاتی |
| اساسِ گریہ اٹھاتا نہ میں تو کیا کرتا |
| تمام اس نے کیے عہد توڑ ڈالے تھے |
| سو جشنِ ہجر مناتا نہ میں تو کیا کرتا |
| گو اس کو چھوڑ کے جانا عذاب تھا آسیؔ |
| پہ اس کو چھوڑ کے جاتا نہ میں تو کیا کرتا |
| قمرآسیؔ |
معلومات