| مطلعِ شمسِ وحدت پہ لاکھوں سلام |
| خاتمِ ہر نبوت پہ لاکھوں سلام |
| حاملِ ہر فضیلت پہ لاکھوں سلام |
| مصطفٰی جانِ رحمت پہ لاکھوں سلام |
| شمعِ بزمِ ہدایت پہ لاکھوں سلام |
| صاحبِ اوج و رفعت پہ لاکھوں سلام |
| شاہِ لطف و عنایت پہ لاکھوں سلام |
| مالکِ کنزِ قدرت پہ لاکھوں سلام |
| مصطفٰی جانِ رحمت پہ لاکھوں سلام |
| شمعِ بزمِ ہدایت پہ لاکھوں سلام |
| روزِ اوّل کا اور لیلِ اسریٰ کا چاند |
| اہلِ دنیا کا اور اہلِ عقبٰی کا چاند |
| عالمِ کُن کا اور عرشِ اولیٰ کا چاند |
| جس سُہانی گھڑی چمکا طیبہ کا چاند |
| اُس دل افروز ساعت پہ لاکھوں سلام |
| رشکِ کون و مکاں ہے حلیمہ کا چاند |
| جب سے روشن ہوا ہے مدینہ کا چاند |
| کوئی تکتا نہیں اب یہ دنیا کا چاند |
| جس سُہانی گھڑی چمکا طیبہ کا چاند |
| اُس دل افروز ساعت پہ لاکھوں سلام |
| وہ شَہامَت کا پیکر وہ مردِ جواں |
| شیرِ حق، دینِ احمد کا وہ پاسباں |
| ضرب ایسی کہ کافر کَہیں اَلاَماں |
| اُن کے آگے وہ حمزہ کی جانبازیاں |
| شیرِ غرانِ سطوت پہ لاکھوں سلام |
| سیدہ عائشہؑ راز دانِ نبیؐ |
| راویہ, عالمہ, ترجمانِ نبیؐ |
| باعثِ فرحت و شادمانِ نبیؐ |
| بنتِ صدیقؓ, آرامِ جانِ نبیؐ |
| اُس حریمِ برأت پہ لاکھوں سلام |
| جس کی شمشیر ہے دینِ حق کی اَمیں |
| جس کی ضربت سے کانپے ہے ساری زمیں |
| جس کا دنیا میں کوئی بھی ہمسر نہیں |
| مرتضیٰ شیرِ حق اَشجَعُ الاَشجَعِیں |
| ساقئ شیر و شربت پہ لاکھوں سلام |
| شاہِ ارض و سما، مظہرِ کبریا |
| نائبِ مصطفیٰؐ، صاحبِ ہل اَتیٰ |
| سیدالاوصیا، عارفِ اِنَّما |
| اصلِ نسلِ صفا، وجہِ وصلِ خدا |
| بابِ فصلِ ولایت پہ لاکھوں سلام |
معلومات